Við erum HSE Consulting

Sími: 649 5035
Tölvupóstfang: eythor(hjá)hse.is

Eyþór er stofnandi HSE Consulting og starfar sem ráðgjafi. Hann er með meistaragráðu í umhverfisverkfræði frá Álaborgarháskóla og hefur unnið að innleiðingu ISO 9001, ISO 14001 og ISO 45001 við innlend og erlend stórfyrirtæki. Eyþór hefur verið í bransanum lengi en áður en HSE Consulting átti hug hans allan æfði hann meðal annars fótbolta með aðalliði Aston Villa og flakkaði um á þyrlu milli olíupalla í Norðursjó.

Sími: 698 1552
Tölvupóstfang: lilja(hjá)hse.is

Lilja starfar sem ráðgjafi. Hún er með meistaragráðu í næringarfræði og hefur auk þess starfsleyfi sem næringarfræðingur frá Heilbrigðisráðuneytinu. Hún býr að víðtækri reynslu í gæða-, umhverfis-, öryggis- og heilsumálum úr matvælaiðnaði og hefur þar meðal annars innleitt staðla og stýrt úttektum. Lilja hefur áður sinnt sjálfboðastarfi með hund hjá Rauða krossinum, kennt Zumba og æfði á píanó á yngri árum.

Sími: 897 9582
Tölvupóstfang: thora(hjá)hse.is

Þóra starfar sem ráðgjafi. Hún er með meistaragráðu í stjórnun og stefnumótun og hefur starfað við rannsóknir innan íslenska matvælageirans. Hún hefur meðal annars sérhæft sig í áskorunum við innleiðingu, breytingar- og gæðastjórnun sem og jafnréttismálum. ISO staðlarnir eru eitt af hennar sérsviðum. Þóra dúxaði Framhaldskólann á Húsavík á sínum tíma og æfði lengi fimleika við góðan orðstír.

Sími: 659 4909
Tölvupóstfang: thorsteinn(hjá)hse.is

Þorsteinn starfar sem ráðgjafi. Hann er menntaður sem APME verkefnastjóri, býr að víðtækri reynslu af verklegum framkvæmdum og hefur starfað lengi við öryggis- og umhverfismál. Auk þess starfaði Þorsteinn sem slökkviliðsmaður árum áður en í því starfi þjálfaði hann einnig afganska slökkviliðsmenn og stýrði ferla- og áætlanagerð við flugvöllinn í Kabúl. Þorsteinn spilar á gítar og var um sinn liðtækur í hljómsveitum á Suðurnesjum.

Sími: 857 3100
Tölvupóstfang: dagbjort(hjá)hse.is

Dagbjört starfar sem þjónustufulltrúi. Hennar helsta markmið er að gleðja og einfalda líf viðskiptavina SSG á Íslandi. Dagbjört er Húsmæðraskólagengin en auk þess er hún menntuð sem félagsliði og hefur starfað við fjölbreytt þjónustu- og aðhlynningarstörf. Dagbjört æfði listdansskauta við góðan orðstír á sínum yngri árum en í dag þykir henni best að eyða frístundum í alvöru huggulegheitum með fjölskyldu sinni.

Sími: 617 4870
Tölvupóstfang: niels(hjá)hse.is

Níels er ráðgjafi og meðeigandi HSE Consulting. Hann hefur stundað nám á meistarastigi við stjórnun öryggis- og heilsumála við Loughborough University ásamt því að vera með BSc gráðu í landfræði. Níels hefur áralanga og víðtæka reynslu sem verkkaupi, verktaki og ráðgjafi við stjórnun gæða-, öryggis-, umhverfis- og sjálfbærnimála. Heimur íþrótta spilar stóran sess í áhugamálum Níelsar og liggur metnaður hans í að aðstoða viðskiptavini og einstaklinga við að ná markmiðum sínum.